Sunday, October 25, 2015

முகாந்திரம்



நீ கட்டமைத்திருக்கும் 
என் வாழ்வு 
கட்டிப் போட்டிருக்கும் 
என் செயற்பாடுகள் 
உறையவைக்கப்பட்ட 
என் திட்டங்கள் 
சுருக்கிடப்பட்ட 
என் ஆசைகள் 
சொல்லி மாளாத 
வலிகள் அத்தனையும் 
என் பெயர் கொண்ட 
இரகசிய குறியீட்டால் 
கட்டியாளப்படுகின்றன 

கல்சிய பாறைகளாய் 
என் ஆற்றல்கள் 
படிந்து  போயின. 
அவ்வப்போது 
என் ஆளுமைகளை 
கொப்பி கட் பேஸ்ட் 
என்றெல்லாம்  முடக்கி விடுகிறாய்.

என் உணர்வுகளை
உடைத்து விட்டு 
நதியாய் நீ புறப்படுகிறாய்  

என் கால்கள் 
உயிர்த்து விட்டன இப்போது
நகர்ந்து கொண்டிருக்கிறேன் 
விரைவில்  நடக்க இருக்கிறேன்.
நீ சொன்ன வட்டத்திற்குள் மட்டும்!