"சவூதி அரசாங்கம் பெண்களுக்கு வாகனம் ஓட்ட அனுமதி இல்லையென விதித்திருந்த தடையை நீக்க போவதாக கேள்வி வரும் ஜூன் மாதத்தில் அமுலுக்கு வரும்" என ஆசிரியை ஒருவருடன் கலந்துரையாடும் போது அருகிலிருந்த ஆண் ஆசிரியர் "உங்களுக்கு சரியான சந்தோஷம் ஆக்கும்" என்றார்.பதிலுக்கு நானும் " இதில் சந்தோஷ ப்பட என்ன இருக்கு?மடமையிலிருந்த சவூதி அரசுக்கு புத்தி வந்திருக்கு.இத்தனை வருடங்களும் அந்நிய சாரதியுடன் தன் மனைவியை அனுப்பி வைத்தவன் இப்போது அவளாக போகப்போறாள்.அவ்வளவு தான் இனித்தான் அவளுக்கு பாதுகாப்பு " என்று சொல்லி அவ்விடத்தை விட்டகன்றேன்.
நான் சந்தோஷப்பட்டு உடன் வாகன சாரதி அனுமதி பத்திரம் எடுத்து விடுவேனோ என்ற நக்கல் பொதிந்த கேள்விக்கு பதில் 7 வருடங்களுக்கு முன்னரே சாரதி அனுமதிப்பத்திரம் பெற்று விட்டேன் என்பது தான்.
ஊரிலிருந்து வந்த உறவுக்கார சகோதரி ஒருவருடன் பெண்கள் வாகனம் ஓட்டுவது பற்றி உரையாடிக்கொண்டிருந்தேன்." நம்ம ஊரில் மோட்டார் சைக்கிள் ஒட்டும் முதல் பெண்ணாக உங்களைத்தான் கண்டிருக்கேன்.அந்த ஊர் ஆக்கள எப்படி தான் சமாளிக்கிறங்களோ "என்று சொல்லிச் சிரித்த போது அவ பேசத் தொடங்கினார்.
"அதை ஏன் மன கேட்கிறீங்க, நான் பைசிக்கள் ஓட்டுறன் என்று 11 மொட்டக்கடிதங்கள் பள்ளிக்கு வந்தனவாம்.பள்ளித்தலைருக்கு இது பெரிய தலயிடியாம்.என்ன விசாரணைக்கு கூப்பிட்டாங்க.ஏதோ தவறு செய்து விட்டவள விசாரிக்கப்போற மாதிரி பள்ளியில எல்லோரும் இருந்தாங்க. ஊருல களவுல பொம்புளக்கிட்ட போய்ட்டு வார ஹாஜியார்மாரெல்லாம் தைரியமா பள்ளிக்குள்ள வந்து போகக்க எனக்கென்னமன பயம்? நான் தைரியமா போனேன்.என்ன கூப்பிட்ட என்டு கேட்டன்."
பள்ளித்தலைவரு தொடங்கினார்
"இல்ல நீங்க ஒரு பொம்புள மொட்டசைக்கல் ஓட்டுறயாம் என்டு மொட்டக்கடிதங்கள் நிறைய வந்திருக்கு இத விசாரிக்க தான் கூப்பிட்டம்.,"
ஓம் நான் மரியாதை உடுத்து என்ட செலவுல என்ட சைக்கிள்ள போறன் இதில எவனுக்கும் என்னவாம்?யாரோ ஒரு ஆட்டோக்காரனோட தனியா நம்மட பொம்பளயல் தொடக்கம் உங்கட பொஞ்சாதிமார் வரை போறது சரி என்டு உங்களுக்கு எப்படி தோனுதோ அப்படி தான் நான் மோட்டபைக்கில போறது எனக்கு சரி என்டு படுது தலைவர்"
"அதுசரி நீங்க சொல்றயும் சரிதான்"
"நான் போயிட்டு வாரன்"
".........ங்.....வ்......."
No comments:
Post a Comment